Hari reva paro
ಕುರು ಭುಂಕ್ಷ್ವ ಚ ಕರ್ಮ ನಿಜಂ ನಿಯತಂ ಹರಿಪಾದ ವಿನಮ್ರಧಿಯಾ ಸತತಂ |
ಹರಿರೇವ ಪರೋ ಹರಿರೇವ ಗುರುಃ ಹರಿರೇವ ಜಗತ್ ಪಿತೃಮಾತೃಗತಿಃ || ೩.೧ ||
kuru bhuMkShva cha karma nijaM niyataM haripAda vinamradhiyA satataM |
harirEva parO harirEva guruH harirEva jagat pitRumAtRugatiH || 3.1 ||
ನ ತತೋsಸ್ತ್ಯಪರಂ ಜಗದೀಡ್ಯತಮಂ ಪರಮಾತ್ಪರತಃ ಪುರುಷೋತ್ತಮತಃ |
ತದಲಂ ಬಹುಲೋಕವಿಚಿಂತನಯಾ ಪ್ರವಣಂ ಕುರು ಮಾನಸಮೀಶಪದೇ || ೩.೨ ||
na tatO&styaparaM jagadeeDyatamaM paramAtparataH puruShOttamataH |
tadalaM bahulOkavichiMtanayA pravaNaM kuru mAnasameeshapadE || 3.2 ||
ಯತತೋsಪಿ ಹರೇಃ ಪದಸಂಸ್ಮರಣೇ ಸಕಲಂ ಹ್ಯಘಮಾಶು ಲಯಂ ವ್ರಜತಿ |
ಸ್ಮರತಸ್ತು ವಿಮುಕ್ತಿಪದಂ ಪರಮಂ ಸ್ಫುಟಮೇಷ್ಯತಿ ತತ್ಕಿಮಪಾಕ್ರಿಯತೇ || ೩.೩ ||
yatatOpi harEH padasaMsmaraNE sakalaM hyaghamAshu layaM vrajati |
smaratastu vimuktipadaM paramaM sphuTamEShyati tatkimapAkriyatE || 3.3 ||
ಶ್ರುಣುತಾಮಲಸತ್ಯವಚಃ ಪರಮಂ ಶಪಥೇರಿತಂ ಉಚ್ಛ್ರಿತಬಾಹುಯುಗಂ |
ನ ಹರೇಃ ಪರಮೋ ನ ಹರೇಃ ಸದೃಶಃ ಪರಮಃ ಸ ತು ಸರ್ವ ಚಿದಾತ್ಮಗಣಾತ್ || ೩.೪ ||
shruNutAmalasatyavachaH paramaM shapathEritaM ucChritabAhuyugaM |
na harEH paramO na harEH sadRushaH paramaH sa tu sarva chidAtmagaNAt || 3.4 ||
ಯದಿ ನಾಮ ಪರೋ ನ ಭವೇತ ಹರಿಃ ಕಥಮಸ್ಯ ವಶೇ ಜಗದೇತದಭೂತ್ |
ಯದಿ ನಾಮ ನ ತಸ್ಯ ವಶೇ ಸಕಲಂ ಕಥಮೇವ ತು ನಿತ್ಯ ಸುಖಂ ನ ಭವೇತ್ || ೩.೫ ||
yadi nAma parO na bhavEta hariH kathamasya vashE jagadEtadabhUt |
yadi nAma na tasya vashE sakalaM kathamEva tu nitya sukhaM na bhavEt || 3.5 ||
ನ ಚ ಕರ್ಮವಿಮಾಮಲ ಕಾಲಗುಣಪ್ರಭೃತೀಶಮಚಿತ್ತನು ತದ್ಧಿ ಯತಃ |
ಚಿದಚಿತ್ತನು ಸರ್ವಮಸೌ ತು ಹರಿರ್ಯಮಯೇದಿತಿ ವೈದಿಕಮಸ್ತಿ ವಚಃ || ೩.೬ ||
na cha karmavimAmala kAlaguNaprabhRuteeshamachittanu taddhi yataH |
chidachittanu sarvamasau tu hariryamayEditi vaidikamasti vachaH || 3.6 ||
ವ್ಯವಹಾರಭಿದಾಪಿ ಗುರೋರ್ಜಗತಾಂ ನ ತು ಚಿತ್ತಗತಾ ಸ ಹಿ ಚೋದ್ಯಪರಮ್ |
ಬಹವಃ ಪುರುಷಾಃ ಪುರುಷಪ್ರವರೋ ಹರಿರಿತ್ಯವದತ್ ಸ್ವಯಮೇವ ಹರಿಃ || ೩.೭ ||
vyavahArabhidApi gurOrjagatAM na tu chittagatA sa hi chOdyaparam |
bahavaH puruShAH puruShapravarO harirityavadat svayamEva hariH || 3.7 ||
ಚತುರಾನನ ಪೂರ್ವವಿಮುಕ್ತಗಣಾ ಹರಿಮೇತ್ಯ ತು ಪೂರ್ವವದೇವ ಸದಾ |
ನಿಯತೋಚ್ಛ ವಿನೀಚತಯೈವ ನಿಜಾಂ ಸ್ಥಿತಿಮಾಪುರಿತಿ ಸ್ಮ ಪರಂ ವಚನಮ್ || ೩.೮ ||
chaturAnana pUrvavimuktagaNA harimEtya tu pUrvavadEva sadA |
niyatOchCha vineechatayaiva nijAM sthitimApuriti sma paraM vachanam || 3.8 ||
ಆನಂದತೀರ್ಥಸನ್ನಾಮ್ನಾ ಪೂರ್ಣಪ್ರಜ್ಞಾಭಿಧಾಯುಜಾ |
ಕೃತಂ ಹರ್ಯಷ್ಟಕಂ ಭಕ್ತ್ಯಾ ಪಠತಃ ಪ್ರೀಯತೇ ಹರಿಃ || ೩.೯ ||
ಇತಿ ಶ್ರೀಮದಾನಂದತೀರ್ಥ ಭಗವತ್ಪಾದಾಚಾರ್ಯ ವಿರಚಿತಂ ದ್ವಾದಶ ಸ್ತೋತ್ರೇಷು ತೃತೀಯ ಸ್ತೋತ್ರಂ ಸಂಪೂರ್ಣಮ್ ||
AnaMdateerthasannAmnA poorNapraj~jAbhidhAyujA |
kRutaM haryaShTakaM bhaktyA paThataH preeyatE hariH || 3.9 ||
iti shreemadAnaMdateertha bhagavatpAdAchArya virachitaM dvAdasha stOtrEShu tRuteeya stOtraM saMpoorNam ||
Hari reva paro (play now - 1)
FB artist:
Hari reva paro (play now - 2)Brahmins Matrimony Karnataka
